Benvidos/as, pensando que un día máis é un día menos, cada vez estamos máis preto de chegar á nova normalidade e estou totalmente convencida de que o estades a facer xenial!.
Para pasar uns momentos entretidos e traballar un pouquiño, esta semana propóñovos estas actividades:
1. LABERINTO MOTRIZ
Esta actividade tan sinxela
permítenos traballar a motricidade
fina así como a atención.
Precisamos pajitas, pegamento ou celo, unha superficie (podemos
empregar unha mesa ou ben un folio ou cartulina) e un elemento para mover polo laberinto (unha canica, unha pelotiña que podemos facer con papel de prata, un tapón ou ben algún xoguete dos nenos como figuras de animais ou coches).
Primeiro pegamos as pajitas á superficie que eliximos para
facer o noso laberinto, sinalamos
a saída e a meta e só queda que o/a neno/a vaia movendo a pelotiña ou
o xoguete fixándose ben no camiño que ten que
seguir para chegar á meta.
Unha vez cheguemos á meta podemos
ir cambiando o laberinto e facéndoo máis difícil.
2. A CONTAR!
Facendo
esta actividade podemos traballar a identificación dos números así como a asociación ás
correspondentes cantidades.
Só
vamos precisar tapóns e uns rotuladores.
Escribimos
nunhas tapas os números e noutras puntiños para que os/as nenos/as os conten e os poñan de lado do
número que lle corresponde. Podedes empezar cos números ata o 5 ou ben intentar
chegar ata o 10!
3. ESTE OLLIÑO PIMPILÍN...
Como
esta semana celebramos o DÍA
DAS LETRAS GALEGAS, propóñovos un enlace no que se
recolle o audio
dun recitado tradicional galego que seguramente todos vós coñecedes (este olliño pimpilín) para cantalo cos/as nenos/as.
A
medida que o vaiades escoitando guiades as mans dos/as nenos/as para que vaian
sinalando ou tocando as partes da cara das que se falan. Podedes facelo varias
veces para que o aprendan e sexan quen de facelo eles/as sós.
É
unha forma lúdica e divertida de traballar as partes da cara, animádevos!
4. CANDO SINTO...?
Despois
de tanto tempo “confinados/as” é normal que algunhas emocións se intensifiquen
e incluso aparezan en situacións nas que antes non o facían.
Dado
que en semanas anteriores viñemos facendo algunhas actividades vinculadas co
recoñecemento das emocións básicas que experimentamos a diario como son a
alegría, a tristeza, o enfado e o medo, esta semana propóñovos unha actividade
moi sinxela para que os/as nenos/as e se queredes vós mesmos vos debuxedes en
situacións nas que experimentades cada unha destas emocións.
Sería
interesante que vos explicarades mutuamente os debuxos para que vexan que todos
experimentamos ditas emocións, que é importante falar das mesmas e intentar
chegar a unha solución para resolver as emocións negativas como o medo e o
enfado.
No hay comentarios:
Publicar un comentario