Semana do 4 ao 10 de maio

Benvid@s outra semana máis, esta semana propóñovos as seguintes actividades:
 

1.BOLSA SENSORIAL

A nosa bolsa sensorial ademais de permitirnos traballar o sentido do tacto vainos permitir traballar a atención dunha forma divertida. 

Para facela precisades: unha bolsa de conxelación, un pouco de xel ou gomina, cousas para meter dentro (botóns, cachos de pajitas de cores, macarróns, fichas do parchís, figuras pequenas de animais, tapóns...) e colorante alimentario (opcional).

Unha vez que temos a nosa bolsa con todos os materiais dentro e nos aseguramos de que non ten aire dentro nin fugas, chega a hora de xogar: manipulamos coas mans a bolsa para ver que sentimos e xogamos a buscar as cousas que metemos dentro o máis rápido posible.

Tamén vos achego un enlace onde podedes consultar os pasos para realizala: 

https://elsonidodelahierbaelcrecer.blogspot.com/2013/02/como-hacer-una-bolsa-sensorial.html

2.TRASVASAMOS?

Para esta sinxela actividade vamos precisar dous recipientes, unha culler e diferentes elementos que teñades pola casa (noces, canicas, arroz, lentellas, area...). 

O obxectivo é que os/as nenos/as sexan quen de pasar dun recipiente a outro os elementos elixidos sen que lle caian. Podemos facer esta actividade en actividades tan sinxelas como facer unha receita de cociña ou ben plantexándolle xogos onde eles teñan que “repartir a comida para os bonecos”. 

Fonte da imaxe: https://elrincondeaprenderblog.files.wordpress.com/2016/02/77df1-nueces.jpg?w=563&h=422

3.VEXO VEXO...

 Para traballar o vocabulario d@s nen@s así como a comprensión e expresión da linguaxe este xogo clásico é moi útil e á vez moi divertido. Podedes xogar coas cousas que tedes pola casa, polas que vedes pola ventá... E se o queredes complicar un pouco podedes empregar a seguinte lámina para dar pistas como “serve para...”  

https://i2.wp.com/www.orientacionandujar.es/wp-content/uploads/2019/06/VEO-VEO-PICTOGRAMAS_page-0005.jpg?resize=354%2C500&ssl=1

Fonte da imaxe: http://www.arasaac.org/ficha.php?id=26150&id_palabra=12439

4. VAMOS FACER...UNHAS MARACAS!

Necesitamos: unhas botellas de auga vacías, cousas para meterlle dentro como arroz, lentellas, botóns de diferentes tamaños, contas para facer pulseiras, pedriñas pequenas... E acuarelas e pincel por se vos animades a decoralas (opcional).

Recoméndovos facer varias maracas con cousas diferentes dentro (por exemplo unha con arroz, outra con botóns e outras con pedriñas)  para poder escoitar moitos sons diferentes. Ademais de facer música con elas tamén podedes xogar a repetir series de sons. 

https://i.pinimg.com/600x315/c0/af/2c/c0af2cd337d58080c31d272bbdf50567.jpg