Semana do 18 ao 24 de maio

Benvid@s outra semana máis, espero que desfrutarades destes dous días festivos e que comecedes esta nova semana cargados de enerxía e ganas de pasalo ben!. Nesta ocasión ofrézovos a posibilidade de facer as seguintes actividades:

1. E ESA CARA?

Vamos a facer unhas caras divertidas que nos permitan traballar as partes do noso corpo e máis concretamente as da cara! Para isto, primeiro mirámonos no espello e nomeamos as partes da cara que vemos e fixámonos ben en como son (pelo, ollos, nariz e boca). Despois, collemos cachiños de folio e debuxamos neles as partes da cara que vimos no espello (tamén podemos debuxar complementos como gafas). Podemos debuxar estas partes de persoas, de animais ou incluso de monstros. Debemos facer varios modelos de cada parte para combinalos e facer diferentes caras.

Podemos sacarlle unha foto a cada cara que formemos, poñerlle un nome e escribilo enriba. Ao rematar de facer varias combinacións, comparamos e eliximos a máis graciosa ou a que máis nos guste... Xa veredes que risa!

2. ATENT@S E A BAILAR!

Vamos bailar pero á vez vamos exercitar a nosa atención. A actividade consiste en que elixades unha canción que vos guste (ou varias). O xogo é moi sinxelo e seguro que o coñecedes: tedes que poñer a canción elixida e bailar mentres soe a música pero... cando pare hai que quedarse quietos/as como se fósemos estatuas!

Podedes facer unha “competición” na que o/a último/a que pare de bailar cando non estea sonando a música perde e así descubrir quen é o/a que está máis atento/a! 

Fonte da imaxe:http://www.arasaac.org/ficha.php?id=35747&id_palabra=1166

3. NA BUSCA DAS LETRAS PERDIDAS

Vamos traballar as vocais, a atención e o trazo.

Necesitamos un folio no que os/as nenos/as deben escribir 3 veces cada vocal (podemos axudalos ensinándolle unha imaxe de cada letra, escribíndollas nós para que sigan o modelo ou ben escribirllas nós e que as repasen de cores). O importante é que se queden co nome das letras e que as fagan ben!

Unha vez que as escriban pedímoslle que busquen e nos sinalen as tres letras A, E, I, O, U que escribiu.

Cantas máis veces o fagamos máis rápido as vai atopar. Probade!

 

 4. E TI QUE SUPERPODER TES?

Tod@s temos un “superpoder” e é importante que os/as nenos/as valoren positivamente as súas habilidades e sexan conscientes delas para construír unha autoestima positiva.

Para isto, vamos dedicar uns minutos a pensar naquelo que mellor facemos (axudar aos demais, xogar, debuxar, saltar, correr, cantar...) que é o que vai a ser o noso “superpoder”.

Cando o teñamos decidido vamos a debuxarnos a nós mesmos como un superheroe/superheroina (con capa, escudo, antiface... Sen que falte ningún detalle!) facendo o superpoder que eliximos (se por exemplo se nos da fenomenal cantar, debuxámonos a nós mesmos como un supereroe cantando). 

Fonte da imaxe:http://www.arasaac.org/ficha.php?id=37113&id_palabra=15938